उवासंग्गाहरम स्तोत्र
उवसग्गहरं पासं, पासं वंदामि कम्म-घण मुक्कं ।
विसहर विस णिण्णासं, मंगल कल्लाण आवासं ।।१।।
विसहर फुलिंगमंतं, कंठे धारेदि जो सया मणुवो ।
तस्स गह रोग मारी, दुट्ठ जरा जंति उवसामं ।।२।।
चिट्ठदु दुरे मंतो, तुज्झ पणामो वि बहुफलो होदी ।
णर तिरियेसु वि जीवा, पावंति ण दुक्ख-दोगच्चं।।३।।
तुह सम्मत्ते लद्धे, चिंतामणि कप्पपायव सरिसे ।
पावंति अविग्घेणं, जीवा अयरामरं ठाणं ।।४।।
इअ संथुदो महायस!, भत्तिब्भरेण हिदयेण ।
ता देव! दिज्ज बोहिं, भवे भवे पास जिणचंद ।।५।।
ओं अमरतरु कामधेणु चिन्तामणि कामकुम्भमादिया |
सिरि पासणाह सेवाग्गहणे सव्वे वि दासततं ||६||
उवसग्गहरं त्थोतं, कादुणं जेण संघकल्लाणं |
करुणायरेण विहिदं, स भद्रबाहु गुरु जयदु ||७||
टिप्पणियाँ
एक टिप्पणी भेजें